ТАНЫ ХӨДӨЛМӨРЛӨХ ЭРХИЙГ БИД ХАМГААЛНА
СОЛОНГОСЫН ЭРҮҮЛ МЭНДИЙН ҮЭ-ТЭЙ ХАМТЫН АЖИЛЛАГААНЫ ГЭРЭЭНД ГАРЫН ҮСЭГ ЗУРАВ
2012 оны 3 дугаар сарын 11-13-ны өдрүүдэд Япон улсын Токио хотод зохион байгуулагдсан Төрийн үйлчилгээний ОУ-ын байгууллага(PSI)-ын Зүүн азийн зөвлөлдөх хорооны хурал(EASRAC)-д оролцох үеэр тус  холбооны дарга Б.Мягмар Солонгосын эрүүл мэндийн ҮЭ-ийн холбооны ерөнхийлөгч Yoo,Ji-Hyun-д хамтран ажиллах санал тавьсны дагуу харилцсаны үр дүнд хамтын ажиллагааны үндэс суурийг тавих анхны айлчлалд 5 төлөөлөгчийг Солонгосын тал урьж, энэхүү албан айлчлалд амжилттай оролцлоо. Солонгос улсад айлчилсан бүрэлдэхүүнд МЭМАҮЭ-ийн холбооны дарга Б.Мягмар, МЭМАҮЭ-ийн холбооны орон тооны бус дэд дарга, УК2Э-ийн ҮЭ-ийн хорооны дарга, нөхөн сэргээх эмчилгээний их эмч Б.Энхсайхан, СЭМҮТ-ийн зөвлөх эмч, ҮЭ-ийн хорооны дарга Н.Отгон, АӨСҮТ-ийн дэд захирал, ҮЭ-ийн хорооны дарга Ш.Мягмаржав, БЗДЭМН-ийн шүдний эмч, ҮЭ-ийн хорооны дарга Ц.Буянтогтох нар оролцлоо.

Хөдөлмөрчид босвол ажил хийх хүнгүй болно

XI/5-9-ны өдрүүдэд нэгдсэн хөтөлбөрийн дагуу дараах үйл ажиллагаанууд явагдлаа.Үүнд:  Эхний өдөр Солонгосын эрүүл мэндийн ҮЭ-ийн холбооны байранд очиж үйл ажиллагаатай нь танилцсаны дараа тус холбоо өөрийн үйл ажиллагааны талаар танилцуулга илтгэл тавьлаа. Энэхүү холбоо нь 1987 онд ардчилсан намаас анх байгуулагдаж, 2004 онд Эрүүл мэндийн ҮЭ-ийн холбоо үүсч, 2012 оноос эхлэн 6 бүсэд хуваагдан үйл ажиллагаа явуулж байгаа түүхтэй. Тус улсад 600 мянган эмнэлгийн ажилтантайгаас 151 эмнэлгийн 43 мянган гишүүд эвлэлдэн нэгддэг. Гишүүнчлэлийн хувьд эмч нар ҮЭ-д эвлэлдэн нэгдээгүй сувилагч, асрагч, үйлчлэгч, инженер техникийн ажилчид эвлэлдэн нэгддэг. Учир нь эмч нарын цалин хангамж нь сувилагч, бусад ажиллагсадынхаас хэт ялгаатай байдаг ажээ. Гэхдээ цаашид жижиг хувийн эмнэлгүүд болон компаний эмнэлгүүдийг нэгтгэж, гишүүнчлэлийнхээ тоог 100 мянгад хүргэх зорилт тавин ажиллаж ажээ. Хөдөлмөр эрхлэлт, эрүүл мэндийн, аж амьдралд чиглэсэн гол үйл ажиллагаа явуулдаг. Өөрөөр хэлбэл цалин хөлс, эмнэлгийн ажилчдын тоог нэмэгдүүлснээр үйлчилгээний чанарыг сайжруулах, эрүүл мэндийн даатгалд хамруулах, амьдралын ялгаатай түвшинг арилгахад гол үйл ажиллагаагаа чиглүүлдэг. ҮЭ-ийн холбооноос нэлээдгүй тэмцэл хөдөлгөөн явуулах ба тухайлбал лаа барьж эсэргүүцлээ илэрхийлэх, сэтгүүлчидтэй уулзалт хийх, асрагч үйлчлэгч нар шүүр барьж жагсаал суулт хийх, алхалт хийх, зарим тохиолдолд эмэгтэй холбооны болон ҮЭ-ийн хорооны дарга нь олны өмнө үсээ хусаж тэмцлээ илэрхийлэх, мөн тэмцлийн хүнд хэлбэр болох хүзүүндээ хүнд зүйл (дөнгө) зүүж гудамжинд суух, өлсгөлөн хийх тохиолдлууд гарч байжээ. Тус холбоо нь “Мөнгөнөөс илүү амьдрал бэлэглэхийн төлөө” гэсэн логог гол уриа болгон ашигладаг ба “Бүх эмнэлгүүдэд даатгал жигд үйлчилдэг болгоё”, “Хуулийн гажуудлын эсрэг”, “Мөнгөнд төвлөрсөн эмнэлгийн үйлчилгээг зогсоохын төлөө”, “Эмнэлгийн хүнд суртлыг арилгая”, “Өвчөний сахиурыг байлгахгүй эмнэлгийн асрагч, ажилчдын тоог нэмэгдүүлье”, “Мөнгөтэй хүн эмнэлэгт үзүүлдэг, мөнгөгүй хүн яах вэ”, “Хөдөлмөрчид босвол ажил хийх хүнгүй болно” гэсэн уриа лоозонгуудыг тавьж тэмцэж байжээ.

Дээрх илтгэлийн дараа Монголын эрүүл мэндийн ажилтны ҮЭ-ийн холбооны бодлого, үйл ажиллагаа, цаашдын зорилтын талаар тус холбооны дарга Б.Мягмар илтгэл тавьж, сонирхсон асуултанд хариулж, харилцан туршлага солилцлоо.

ҮЭ-ийн хороо судалгаатай ажилладаг

            Түүнчлэн Кyung Hee их сургуулийн дэргэдэх эмнэлгийн ҮЭ-ийн хорооны үйл ажиллагаатай танилцаж, эмнэлгийн болон ҮЭ-ийн хорооны үйл ажиллагааны талаарх илтгэлийн сонсоны дараа төлөөлөгч нар тасаг нэгжүүдийн үйл ажиллагаатай танилцлаа. Энэ эмнэлэг нь 1949 онд байгуулагдсан нүүр ам судлал, шүд, уламжлал, эм судлал зэрэг 28 тасагтай, 1200 ортой, 4500 ажиллагсадтай ажээ. Тус эмнэлгийн ҮЭ-ийн хороо нь 2002 оны 4-р сард байгуулагдсан. ҮЭ-ийн хорооны дарга нь 18 жил ҮЭ-ийн ажлыг хийж байгаа сувилагч мэргэжилтэй хүн ажилладаг ба ажлын албатай эмнэлгийн ойролцоо байранд үйл ажиллагаагаа явуулдаг ажээ. Тус эмнэлгийн эмч нар нь цалин өндөр учраас ҮЭ-д нэгддэггүй. Сүүлийн жилүүдэд ажлын байран дээрх дарамт ихэссэн. Иймээс ҮЭ-ийн хорооноос 80 хоногийн турш шөнийн ээлжин хонож байгаа сувилагч нартай уулзалт хийж, тэдний бэрхшээл зовлонг сонсож, судалгаатай ажилладаг. Ажлын байран дээрх дарамт нь ихэвчлэн эмч, сувилагч хоорондын харилцаанаас үүсдэг ба сувилагч нарт давхар өвчтөний дарамт учирдаг учраас үүнийг арилгахын тулд судалгаа явуулдаг ажээ. Гэхдээ энэхүү үйл ажиллагааг явуулахдаа эмнэлгийнхээ нэр хүндийг унагаахгүй байхын тулд бодлогын түвшинд үйл ажиллагаагаа явуулдаг ажээ.

ҮЭ-д хүслийн модны аян өрнүүлье

            Энэ эмнэлгийн үйл ажиллагаатай танилцаж тасаг нэгжүүдээр явах үеэр эмнэлгийн ҮЭ-ийн хорооны үйл ажиллагаанд нэвтрүүлэх олон шинэ санаа төрснийг энэд дурдах нь зүйтэй. Тухайлбал, Эмнэлгийн төв хаалгаар ормогц өнгө өнгийн цаас мөчирт нь зүүсэн хүслийн мод байгаа нь нүдэнд туслаа. Энэ модонд энэ эмнэлгийн ажилчид байгууллагын удирдлагадаа шууд хэлж чадахгүй байгаа үгсээ бичиж өлгөдөг ажээ. Жишээ нь ажлын цаг их байна, цалин бага байна, ажлын нөхцлөө сайжруулах олон санаануудыг бичсэн байлаа. Байгууллагын удирдлага хүслийн модны мөчирт зүүсэн саналыг нэгбүрчлэн уншиж танилцаад шат дараатай шийдвэрлэхийн төлөө ҮЭ-ийн хороотой хамтарч ажилладаг байна. Түүнчлэн гол хаалганы хажуугын байгууллагын том самбартай ижил ҮЭ-ийн үйл ажиллагааг сурталчлах самбар байрлах ба салбарын холбоо болон хорооноос явуулж буй үйл ажиллагааг палкат хэлбэрээр хэвлүүлэн байршуулжээ.

            Мөн айлчлалын үеэр Солонгос улсын төрийн ордон (парламентын ордон)-ны УИХ-ын 300 гишүүд хуралддаг томоохон чуулганы танхимуудтай танилцсаны дараа ҮЭ-ээс нэр дэвшиж УИХ-ын гишүүнээр ажиллаж байгаа Jung, Jin Hoo –тэй уулзаж, ажил байдалтай нь танилцаж, нөхөрсөг яриа өрнүүлж, дурсгалын зураг авахуулав.  Түүнчлэн тус ордонд ажилладаг үйлчилгээний ажилчид эвлэлдэн нэгддэг ҮЭ-ийн хорооны үйл ажиллагаатай танилцаж, туршлага солилцлоо.

            Түүнчлэн тус холбооны нэгддэг Ардчилсан намын ҮЭ-ийн холбоонд зочлон үйл ажиллагаатай нь танилцлаа.

Монголын эмч нараас туршлага судална

            Айлчлалын үеэр үйлдвэрчний эвлэл байгуулах сонирхолтой зарим эмч нартай нөхөрсөг уулзалт зохион байгуулсан нь Солонгосын эрүүл мэндийн ҮЭ-ийн холбооны ач холбогдолтой уулзалт боллоо. Учир нь дээрх хэлсэнчлэн солонгосын эмч нар ҮЭ-д нэгддэггүй учраас тэднийг нэгтгэхэд чухал ач холбогдолтой гэж тэд үзжээ. Энэ уулзалтын бид туршлага судлах биш туршлагаасаа хуваалцах уулзалт боллоо. Тус улсын ҮЭ-ийн байгууллагын ажилчны байгууллага гэж ойлгох хандлага байдаг байна. Тиймээс сэхээтэн эмч, сувилагч зэрэг хүмүүс үйлдвэрийн ажилчдын байгууллагад нэгдэх ёсгүй гэж үзэх хандлагатай байдаг учраас дарамт шахалт ихтэй байдаг ажлаасаа халагдах явдал энүүхэнд байдаг ажээ. Энэ уулзалтын үр дүн монголын тал ҮЭ-ийг хөдөлмөр хийж байгаа хүн бүр нэгддэг байгууллага гэдгийг ойлгуулж, олон улсын чиг хандлагыг илэрхийлж, дэмжсэн албан захидал илгээж, цаашид туршлагаасаа хуваалцан хамтран ажиллахаар боллоо.

15 дахь өдрөө нойтон өлсгөлөн зарлаж байна

            Мөн айлчлалын үеэр тус автомашины томоохон үйлдвэр дампуурч олон мянган хүн ажилгүй болжээ. Ажилгүй болж, амьдралаа залгуулах боломжгүйгээсээ болж тус үйлдвэрт ажиллаж байсан 21 хүн амиа хорлосон байна. Эдгээр хүмүүс тэтгэмж олгуулах асуудлаар хүйтний эрч чангарч, бороо ихтэй үед ҮЭ-ийн байгууллага гудамжинд асар барин зөвхөн ус ууж 15 хоногийн турш өлсгөлөн зарлаж, олон мянган хүмүүсийн гарын үсгийг цуглуулан тэмцэж байгаа хүмүүстэй бид уулзаж сэтгэл санааны дэмжлэг үзүүлж, санал солилцлоо. Энэ тэмцлийн толгойлж байгаа эмэгтэй саяхан үсээ хусаад ургаж байгаа байдал ажиглагдсан ба энэ эмэгтэй өмнө нь эрүүл мэндийн холбооны даргаар ажиллаж байсан хүн юм. Тэмцэл хийгээд нэлээдгүй хугацаа өнгөрсөн хэдий ч хариу ирүүлээгүй байгаа талаар тэрээр ярьж байлаа. Гэлээ ч хулдаасан дээр хөл нүцгэн биднийг хүндэтгэн угтсан энэ дайчин эмэгтэйн тэмцэл үр дүнд хүрээсээ гэж бидэнд өөрийн эрхгүй бодогдсоныг нуух юун.

Хамтын ажиллагааны үндэс суурийг тавилаа

            Айлчлалын сүүлийн өдөр 2 орны ҮЭ-үүд 5 өдрийн ажлынхаа үр дүн хэлэлцсэний дараа монголын талаас ирүүлсэн хамтын ажиллагааны гэрээний төсөлтэй танилцаж, зарим саналыг тусгаж, гурван чиглэлээр 8 заалт бүхий хамтын ажиллагааны гэрээнд гарын үсэг зурлаа. Энэхүү гэрээнд хоёр орны ҮЭ-үүд харилцан айлчлалаар 5 төлөөлөгчийг тодорхой хугацаанд солилцох, нөхөрсөг уулзалт, харилцан мэдээлэл солилцох, хамтарсан уулзалт, семинар зохион байгуулах,тулгамдсан асуудлыг шийдвэрлэх болон 2013 оны 8 сард Солонгосын талын 5 төлөөлөгчийн айлчлах үеэр гэрээнд шаардлагатай зарим нэмэлт өөрчлөлтүүдийг хийхээр харилцан тохиролцлоо. 

МОНГОЛЫН ЭРҮҮЛ МЭНДИЙН АЖИЛТНЫ ҮЭ-ИЙН ХОЛБОО

 
"Эрүүл мэндийн салбарын үйлчилгээний ажилтны улсын IV зөвлөгөөн" амжилттай боллоо.
Монголын эрүүл мэндийн ажилтны үйлдвэрчний эвлэлийн холбооноос 2 жил тутамд зохион байгуулдаг “ЭРҮҮЛ МЭНДИЙН САЛБАРЫН ҮЙЛЧИЛГЭЭНИЙ АЖИЛТНЫ УЛСЫН IV ЗӨВЛӨГӨӨН” 2018 оны 11 дүгээр сарын 29-ний өдөр МҮЭ-ийн СТО-д амжилттай болж өндөрлөлөө. ...Дэлгэрэнгүй
Говьсүмбэр аймгийн үйлчилгээний ажилчдын зөвлөгөөн болж байна.
Зөвлөгөөнийг Аймгийн ҮЭ-ийн холбооны дарга Д.Гантөмөр нээж, аймгийн ИТХ-ын дарга Г.Батзам, ЗДТГ-ын дарга Д.Содном нар мэндчилгээ ...Дэлгэрэнгүй
Ажлын байрны бэлгийн дарамтыг бууруулах нь" сэдэвт хэлэлцүүлэг зохион байгууллаа
Монголын эрүүл мэндийн ажилтны ҮЭ-ийн холбооны дэргэдэх эмэгтэйчүүдийн хорооноос "Ажлын байрны бэлгийн дарамтыг бууруулах нь" сэдэвт хэлэлцүүлэг зохион байгуулж, ҮЭ-ийн хороодын эмэгтэйчүүдийн хэсгийн ахлагч нарыг хамрууллаа. ...Дэлгэрэнгүй
Хан-Уул дүүргийн Нэгдсэн эмнэлгийн эмч эуажилтнуудад "Хөдөлмөрийн харилцаа, хуль эрх зүй-1" сэдвээр хийлээ.
Монголын эрүүл мэндийн ажилтны ҮЭ-ийн холбооноос санхүүжүүлэн зохион байгуулж буй ээлжит сургалтыг Хан-Уул дүүргийн Нэгдсэн эмнэлгийн эмч эуажилтнуудад "Хөдөлмөрийн харилцаа, хуль эрх зүй-1" сэдвээр хийлээ. Сургалтыг МЭМАҮЭ-ийн холбооны дэд дарга Ч.Нарантуяа, МҮЭ-ийн холбооны хуульч М.Саранцацрал нар хичээл зааж оролцогчдын асуултанд хариулж, хэсгээр ажиллуулж тулгамдсан асуудлаа ярилцсан үр дүнтэй сургалт болсныг эмч ажилтнууд үнэлж байлаа. Сургалтын төгсгөлд 1 кредитийн гэрчилгээ олголоо. ...Дэлгэрэнгүй
Монголын эрүүл мэндийн ажилтны ҮЭ-ийн холбооноос санхүүжүүлэн зохион байгуулж буй ээлжит сургалтыг Хан-Уул дүүргийн Нэгдсэн эмнэлгийн эмч эуажилтнуудад "Хөдөлмөрийн харилцаа, хуль эрх зүй-1" сэдвээр хийлээ.
Монголын эрүүл мэндийн ажилтны ҮЭ-ийн холбооноос санхүүжүүлэн зохион байгуулж буй ээлжит сургалтыг Хан-Уул дүүргийн Нэгдсэн эмнэлгийн эмч эуажилтнуудад "Хөдөлмөрийн харилцаа, хуль эрх зүй-1" сэдвээр хийлээ. Сургалтыг МЭМАҮЭ-ийн холбооны дэд дарга Ч.Нарантуяа, МҮЭ-ийн холбооны хуульч М.Саранцацрал нар хичээл зааж оролцогчдын асуултанд хариулж, хэсгээр ажиллуулж тулгамдсан асуудлаа ярилцсан үр дүнтэй сургалт болсныг эмч ажилтнууд үнэлж байлаа. Сургалтын төгсгөлд 1 кредитийн гэрчилгээ олголоо. ...Дэлгэрэнгүй
МЭМАҮЭ-ийн холбооны дарга Б.Мягмар Архангай аймгийн нэгдсэн эмнэлгийн ажилтнуудад "Хөдөлмөрийн харилцаа хууль эрх зүй-1" сэвэт сургалт зохион байгууллаа
МЭМАҮЭ-ийн холбооны дарга Б.Мягмар Архангай аймгийн нэгдсэн эмнэлгийн ажилтнуудад "Хөдөлмөрийн харилцаа хууль эрх зүй-1" сэвэт сургалт зохион байгуулж, нийт ажилтнууд болон АҮЭХ, АЭМГ-ын удирдлагуудтай уулзлаа. ...Дэлгэрэнгүй
УАШУТҮК-ийн корпорацийн эмнэлгийн эмч, ажилтнуудад "Хөдөлмөрийн харилцаа, хууль эрх зүй-1" сэдэвт 1 кредитийн сургалтыг зохион байгуулж хууль эрх зүйн мэдлэгээ дээшлүүлэв.
УАШУТҮК-ийн корпорацийн эмнэлгийн эмч, ажилтнуудад "Хөдөлмөрийн харилцаа, хууль эрх зүй-1" сэдэвт 1 кредитийн сургалтыг зохион байгуулж хууль эрх зүйн мэдлэгээ дээшлүүлэв. ...Дэлгэрэнгүй
Щастины нэрэмжит Улсын гуравдугаар төв эмнэлгийн 150 эмч, ажилтнуудад МЭМАҮЭ-ийн холбооноос "Хөдөлмөрийн харилцаа хууль эрх зүй-1" сэдэвт 1 кредитийн сургалтыг амжилттай зохион байгууллаа.
Сургалтаар "Хөдөлмөрийн тухай хуулийн товч ойлголт, хамтын гэрээ түүний үр дүн, ач холбогдол", Салбарын 2017-2018 оны хамт(тариф)-ын хэлэлцээр, түүний үр дүн болон салбарын ҮЭ-ийн холбооны бодлого, үйл ажиллагаа, цаашдын зорилтын талаар тус холбооны дарга Б.Мягмар, "Хөдөлмөрийн гэрээ, түүний тухай ойлголт, нийтлэг зөрчлүүд" сэдвээр дэд дарга Ч.Нарантуяа нар хичээл зааж, тэдний өмнө тулгамдаж буй асуудлаар дадлага хэлэлцүүлэг өрнүүлж, шийдвэрлэх гарцыг гаргахын зэрэгцээ хамтын гэрээнд зайлшгүй тусгах олон саналуудыг оролцогч нартай х...Дэлгэрэнгүй
"Хөдөлмөрийн харилцаа хууль эрх зүй-1" сэдэвт 1 кредиттэй сургалтыг Баянзүрх дүүргийн ЭМТ-ийн эмч, ажилтнуудад зохион байгууллаа.
"Хөдөлмөрийн харилцаа хууль эрх зүй-1" сэдэвт 1 кредиттэй сургалтыг Баянзүрх дүүргийн ЭМТ-ийн эмч, ажилтнуудад зохион байгууллаа. Сургалтанд 58 ажилчид оролцож өөрсдийн өмнө тулгамдсан асуудлаа тодорхойлон хууль эрх зүйн мэдлэгээ дээшлүүллээ.  ...Дэлгэрэнгүй
ЭХЭМҮТ-ийн сувилагч нарт "Хөдөлмөрийн харилцаа хууль эрх зүй-1" сэдэвт 1 кредитийн сургалтыг амжилттай зохион байгууллаа.
ЭХЭМҮТ-ийн сувилагч нарт "Хөдөлмөрийн харилцаа хууль эрх зүй-1" сэдэвт 1 кредитийн сургалтыг амжилттай зохион байгууллаа. Монголын эрүүл мэндийн ажилтны ҮЭ-ийн холбооноос тус төвийн ҮЭ-ийн хорооны тэргүүлэгчидтэй хамтран энэхүү сургалтыг зохион байгуулж, нийт 75 хүнийг хамрууллаа. Идэвхтэй оролцсон гишүүддээ баярлалаа. ...Дэлгэрэнгүй
Зохиогчийн эрх МЭМАҮЭ-ийн холбоонд харъяалагдана.
Энэхүү вэб сайтыг ТАНЫ ГҮҮР ХХК-д бүтээв.